શુક્રવારે અમેરિકાના ટેક્સાસ રાજ્યમાં ભારે વરસાદ બાદ ગ્વાડાલુપ નદીમાં અચાનક આવેલા પૂરને કારણે અત્યાર સુધીમાં 51 લોકોનાં મોત થયા છે, જ્યારે લગભગ 27 છોકરીઓ ગુમ છે. ગ્વાડાલુપે નદી નજીક એક છોકરીઓનો સમર કેમ્પ પૂરની ઝપેટમાં આવી ગયો હતો. અધિકારીઓએ જણાવ્યું હતું કે માત્ર 45 મિનિટમાં નદીનું જળસ્તર 26 ફૂટ (8 મીટર) જેટલું વધી ગયું હતું, જેના કારણે ઘરો અને વાહનો તણાઈ ગયા હતા. હવામાન વિભાગના જણાવ્યા અનુસાર, પૂરનું જોખમ હજુ પણ યથાવત છે. ગુમ થયેલી છોકરીઓને શોધવા માટે હેલિકોપ્ટર, બોટ અને ડ્રોનનો ઉપયોગ કરવામાં આવી રહ્યો છે. હજુ ઘણા લોકો ગુમ હોવાની આશંકા છે. ટેક્સાસના ગવર્નર ડેન પેટ્રિકે જણાવ્યું હતું કે રેસ્ક્યૂ ટીમ કામ કરી રહી છે. જેમાં નવ બચાવ ટીમો, 14 હેલિકોપ્ટર અને 12 ડ્રોનનો ઉપયોગ કરવામાં આવી રહ્યો છે. અત્યાર સુધીમાં 850થી વધુ લોકોને બચાવી લેવામાં આવ્યા છે. કર્વિલ નજીક આવેલ છોકરીઓનો સમર કેમ્પ, કેમ્પ મિસ્ટિક સંપૂર્ણપણે પાણીમાં ડૂબી ગયો હતો. કેમ્પમાં રહેલી 750 છોકરીઓને બચાવી લેવામાં આવી હતી. કેમ્પમાં વીજળી નથી અને ઘણા બાળકો હજુ પણ રેસ્ક્યૂની રાહ જોઈ રહ્યા છે. અધિકારીઓએ જણાવ્યું હતું કે ગુમ થયેલા લોકોની ચોક્કસ સંખ્યા આપવી મુશ્કેલ છે. ટેક્સાસમાં પૂર પછીના તસવીરો જુઓ… અચાનક પૂરનું જોખમ હજુ પણ યથાવત છે ટેક્સાસના ગવર્નર ગ્રેગ એબોટે પૂરની સ્થિતિને ધ્યાનમાં રાખીને ઈમરજન્સીની સ્થિતિ જાળવી રાખી છે. ગ્રેગ એબોટે કહ્યું – ગુમ થયેલા લોકોની શોધમાં અમે કોઈ કસર છોડીશું નહીં. આ કામગીરી 24 કલાક ચાલુ રહેશે. અમે બધાને શોધીશું. બીજી તરફ, અધિકારીઓના જણાવ્યા અનુસાર, ટેક્સાસના સાન એન્ટોનિયોની આસપાસ ભારે વરસાદ વચ્ચે 1,000 થી વધુ બચાવ કાર્યકરો ગુમ થયેલા લોકોને શોધી રહ્યા છે. અચાનક પૂરની ચેતવણી હજુ પણ યથાવત છે. પૂરને કારણે 2600 ઘરોમાં વીજળી ગુલ થઈ વરસાદને કારણે નદીમાં સ્થાનિક નાળા અને જળમાર્ગો છલકાઈ ગયા, જેના કારણે રસ્તાઓ પર પાણી ભરાઈ ગયા. ટ્રેલર અને વાહનો તણાઈ ગયા. સાન એન્ટોનિયો ઇમરજન્સી ટીમોએ હેલિકોપ્ટર અને ડ્રોનનો ઉપયોગ કરીને શોધ અને બચાવ કામગીરી શરૂ કરી છે. વિસ્તારના લોકોએ સ્થાનિક મીડિયાને જણાવ્યું કે પૂરના પાણી અચાનક આવી ગયા અને તેમને પોતાને બચાવવા માટે ઝાડ પર ચઢવું પડ્યું. પૂરના કારણે વીજળીના તાર તૂટી ગયા અને કર્વિલની આસપાસના વિસ્તારોમાં લગભગ 2,600 ઘરો વીજળી ગુલ થઈ ગઈ. ——————————- આ સમાચાર પણ વાંચો… અમેરિકામાં ભીષણ વાવાઝોડું, 21 લોકોના મોત: 6.50 લાખ ઘરોમાં વીજળી ગુલ; કેન્ટકી અને મિસૌરી સહિત 12 રાજ્યોમાં અસર અમેરિકામાં છેલ્લા 48 કલાકમાં આવેલા ભીષણ વાવાઝોડાને કારણે 21 લોકોના મોત થયા છે. મિસૌરી અને દક્ષિણ-પૂર્વીય કેન્ટકી સહિત 7 રાજ્યોને તેની સૌથી વધુ અસર થઈ છે. 21 માંથી 14 મૃત્યુ કેન્ટકીમાં થયા છે જ્યારે 7 મૃત્યુ મિસૌરીમાં થયા છે.
શુક્રવારે અમેરિકાના ટેક્સાસ રાજ્યમાં ભારે વરસાદ બાદ ગ્વાડાલુપ નદીમાં અચાનક આવેલા પૂરને કારણે અત્યાર સુધીમાં 51 લોકોનાં મોત થયા છે, જ્યારે લગભગ 27 છોકરીઓ ગુમ છે. ગ્વાડાલુપે નદી નજીક એક છોકરીઓનો સમર કેમ્પ પૂરની ઝપેટમાં આવી ગયો હતો. અધિકારીઓએ જણાવ્યું હતું કે માત્ર 45 મિનિટમાં નદીનું જળસ્તર 26 ફૂટ (8 મીટર) જેટલું વધી ગયું હતું, જેના કારણે ઘરો અને વાહનો તણાઈ ગયા હતા. હવામાન વિભાગના જણાવ્યા અનુસાર, પૂરનું જોખમ હજુ પણ યથાવત છે. ગુમ થયેલી છોકરીઓને શોધવા માટે હેલિકોપ્ટર, બોટ અને ડ્રોનનો ઉપયોગ કરવામાં આવી રહ્યો છે. હજુ ઘણા લોકો ગુમ હોવાની આશંકા છે. ટેક્સાસના ગવર્નર ડેન પેટ્રિકે જણાવ્યું હતું કે રેસ્ક્યૂ ટીમ કામ કરી રહી છે. જેમાં નવ બચાવ ટીમો, 14 હેલિકોપ્ટર અને 12 ડ્રોનનો ઉપયોગ કરવામાં આવી રહ્યો છે. અત્યાર સુધીમાં 850થી વધુ લોકોને બચાવી લેવામાં આવ્યા છે. કર્વિલ નજીક આવેલ છોકરીઓનો સમર કેમ્પ, કેમ્પ મિસ્ટિક સંપૂર્ણપણે પાણીમાં ડૂબી ગયો હતો. કેમ્પમાં રહેલી 750 છોકરીઓને બચાવી લેવામાં આવી હતી. કેમ્પમાં વીજળી નથી અને ઘણા બાળકો હજુ પણ રેસ્ક્યૂની રાહ જોઈ રહ્યા છે. અધિકારીઓએ જણાવ્યું હતું કે ગુમ થયેલા લોકોની ચોક્કસ સંખ્યા આપવી મુશ્કેલ છે. ટેક્સાસમાં પૂર પછીના તસવીરો જુઓ… અચાનક પૂરનું જોખમ હજુ પણ યથાવત છે ટેક્સાસના ગવર્નર ગ્રેગ એબોટે પૂરની સ્થિતિને ધ્યાનમાં રાખીને ઈમરજન્સીની સ્થિતિ જાળવી રાખી છે. ગ્રેગ એબોટે કહ્યું – ગુમ થયેલા લોકોની શોધમાં અમે કોઈ કસર છોડીશું નહીં. આ કામગીરી 24 કલાક ચાલુ રહેશે. અમે બધાને શોધીશું. બીજી તરફ, અધિકારીઓના જણાવ્યા અનુસાર, ટેક્સાસના સાન એન્ટોનિયોની આસપાસ ભારે વરસાદ વચ્ચે 1,000 થી વધુ બચાવ કાર્યકરો ગુમ થયેલા લોકોને શોધી રહ્યા છે. અચાનક પૂરની ચેતવણી હજુ પણ યથાવત છે. પૂરને કારણે 2600 ઘરોમાં વીજળી ગુલ થઈ વરસાદને કારણે નદીમાં સ્થાનિક નાળા અને જળમાર્ગો છલકાઈ ગયા, જેના કારણે રસ્તાઓ પર પાણી ભરાઈ ગયા. ટ્રેલર અને વાહનો તણાઈ ગયા. સાન એન્ટોનિયો ઇમરજન્સી ટીમોએ હેલિકોપ્ટર અને ડ્રોનનો ઉપયોગ કરીને શોધ અને બચાવ કામગીરી શરૂ કરી છે. વિસ્તારના લોકોએ સ્થાનિક મીડિયાને જણાવ્યું કે પૂરના પાણી અચાનક આવી ગયા અને તેમને પોતાને બચાવવા માટે ઝાડ પર ચઢવું પડ્યું. પૂરના કારણે વીજળીના તાર તૂટી ગયા અને કર્વિલની આસપાસના વિસ્તારોમાં લગભગ 2,600 ઘરો વીજળી ગુલ થઈ ગઈ. ——————————- આ સમાચાર પણ વાંચો… અમેરિકામાં ભીષણ વાવાઝોડું, 21 લોકોના મોત: 6.50 લાખ ઘરોમાં વીજળી ગુલ; કેન્ટકી અને મિસૌરી સહિત 12 રાજ્યોમાં અસર અમેરિકામાં છેલ્લા 48 કલાકમાં આવેલા ભીષણ વાવાઝોડાને કારણે 21 લોકોના મોત થયા છે. મિસૌરી અને દક્ષિણ-પૂર્વીય કેન્ટકી સહિત 7 રાજ્યોને તેની સૌથી વધુ અસર થઈ છે. 21 માંથી 14 મૃત્યુ કેન્ટકીમાં થયા છે જ્યારે 7 મૃત્યુ મિસૌરીમાં થયા છે.
